महिला विश्वकप छनोट : चीन विरुद्ध ‘लो स्कोरिङ’ खेलमा नेपाल ५ रनले विजयी



थाइल्याण्डमा भइरहेको आइसिसी महिला विश्वकप एसियाली छनोटमा नेपालले चौथो जित हात पारे। सोमवार भएको लो स्कोरिङ खेलमा नेपालले ५ रनको रोमाञ्चक जित हात पारेको हो।

गत जनवरीमा थाइल्याण्डमै भएको टी २० स्म्यासमा नेपालले चीनमाथि १० विकेटको शानदार जित हात पारेको थियो। तर यस पटक ब्याटिङ कमजोर बन्दा नेपालले खेल जित्न नै संघर्ष गर्नपर्‍यो।

बैंककस्थित टेर्ड थाइ क्रिकेट मैदानमा टस हारेर पहिले ब्याटिङ गरेको नेपालले निर्धारित २० ओभरमा ९ विकेट गुमाएर ७७ रन बनाएको थियो।

जवाफमा ७८ रनको लक्ष्य पछ्याएको चीनले २० ओभर खेल्दा ६ विकेट गुमाएर ७२ रन मात्र बनाउन सकेपछि नेपालले जित हात पारेको हो।

नेपालको लागि ओपनर काजोल श्रेष्ठले सर्वाधिक १८, उपकप्तान सीता राना मगरले ११ र विन्दुर रावलले १० रन बनाए। बाँकी खेलाडीले दोहोरो अंकमा रक स्कोर गर्न सकेनन्। चीनकी वाङ मेङ र हान लिलीले २-२ विकेट लिए।

साइयसन झोउ र झाङ मेइले चौथो विकेटका लागि ३८ रनको साझेदारी गर्दै चीनलाई जिततर्फ अगाडि बढाएपनि अन्तिम दुई ओभरमा चीनले ३ विकेट गुमाएपछि नेपालको जित सम्मव भएको हो।

अन्तिम दुई ओभरमा चीनलाई जितका लागि २१ रन चाहिएको थियो। तर चीनले १२ बलमा ३ विकेट गुमाएर १५ रन मात्र बनाउन सक्यो।

चीनका लागि झाङ मेइले ३९ बल खेल्दै २ चौकाको मद्दतमा ३३ रन बनाइन्। नेपालकी सीता राना मगरले ४ ओभरमा १९ रन खर्चेर ३ विकेट लिइन्। कविता कुँवरले ३ ओभरमा ९ रन खर्चेर १ विकेट लिइन्।

एसियाली छनोटमा ५ खेलपछि घरेलु टोली थाइल्याण्ड अपराजित रहँदै १० अंकसहित शीर्ष स्थानमा छ। ४ जित र १ हारको नतिजा निकालेको नेपाल र युएईको समान ८ अंक छ। समान अंक भएपनि राम्रो रनरेटको आधारमा युएई नेपालभन्दा अगाडि छ।

युएईलाई हराएको नेपाल थाइल्याण्डसँग भने पराजित भएको थियो। लिगको अन्तिम खेलमा अब थाइल्याण्ड र युएई तथा नेपाल र कुवेतबीच खेल हुनेछ।

यस एसिया क्षेत्रबाट एक टिम मात्र टी २० र वानडे दुवैको ग्लोबल क्वालिफायरमा छनोट हुने हुँदा नेपालको सम्भावना भने झिनो बनेको छ।





थप समाचार

हसन चम्कदा एक खेल अगावै बंगलादेशलाई सिरिज

बंगलादेश र वेस्ट इन्डिजबीच जारि ३ खेलको एकदिवसीय शृंखला अन्तर्गत शुक्रबार सम्पन्न दोस्रो खेलमा घरेलु टोलि बंगलादेशले ७ विकेटको सहज […]

प्रम कप : बागमतीको लगातार तेश्रो जित, पृथुको उत्कृस्ट लय

प्रदेश नम्बर-२ लाई ६ विकेटले पराजित गर्दै बागमती प्रदेशले काठमाडौँमा जारी प्रधानमन्त्री कप एकदिवसीय राष्ट्रिय प्रतियोगितामा लगातार तेश्रो जित दर्ता […]

बिग ब्यास : सन्दिपको राम्रो प्रदर्शनका बाबजुद होबार्टको हार

अस्ट्रेलियामा जारी बिग ब्यास लिग अन्तर्गत ४७ औं खेलमा नेपाली खेलाडी सन्दिप लामिछाने आबद्ध होबार्ट हरिकेन्सलाई पर्थ स्करचर्सले २२ रनले […]

राजस्थान रोयल्सद्वारा रोबिन उथप्पा चेन्नाईलाई ट्रेड

आईपीएल टिम राजस्थान रोयल्सले आफ्नो ब्याट्सम्यान रोबिन उथप्पालाई चेन्नाई सुपर किंग्समा ट्रेड गरेको छ। आईपीएल २०१४ को अरेन्ज क्याप विजेता […]

डेब्युमै गुर्बजले कीर्तिमान बनाउदा अफगानिस्तानद्वारा आयरल्याण्ड पराजित

पहिलो एकदिवसीयमा आयरल्याण्डमाथि १६ रनको जित निकाल्दै युनाइटेड अरब इमिरेट्स (युएई) मा जारि ३ खेलको एकदिवसीय शृंखलामा अफगानिस्तानले अग्रता लिएको […]

टि-१० लिगमा सहभागी हुन नेपाली खेलाडीहरु युएई प्रस्थान, कहिले छ खेल

जनवरी २८ तारिख देखि फेब्रुअरी ६ तारिखसम्म युनाइटेड अरब इमिरेट्सको अबु धाबीमा आयोजना हुने अबु धाबी टि-१० लिगमा सहभागी हुन […]