DPL Auction 2018
Live
Home - नेपाल रास्ट्रिय क्रिकेट टिम ( पुरुष ) - महिला टिमको दशैँ उपहार

नेपाल रास्ट्रिय क्रिकेट टिम ( पुरुष )

महिला टिमको दशैँ उपहार

Wicket Nepal
Administrator
Nepal womens cricket team

महिला बिश्वकप छनौट – एसिया छनौट प्रतियोगिता अन्तर्गत नेपालले आफ्नो पहिलो जित निकाल्ने क्रममा चिन बिरुद्ध २० रनको जित हात पारेको छ l  हेर्नुस स्कोरकार्ड 

नेपालीहरुको प्रमुख चाड बिजया दशमीको दिन मैदानमा उत्रेको नेपाली टिमले जित मार्फत समस्त नेपालीलाई बिशेष उपहार दिएको हो l

हंगकंग र थाईल्याण्ड संग पहिलो २ खेलमा हार बेहोरेको नेपाली टिम तेश्रो जितको साथ समुह तालिकामा तेश्रो स्थानमा समेत उक्लेको छ l हंगकंग ३ खेलमा ३ जितको साथ पहिलो , थाईल्याण्ड ३ खेलमा २ जित र १ हारका साथ दोश्रो स्थानमा छ l चिनले कुनै पनि खेल जित्न सकेको छैन र अन्तिम स्थानमा छ l

अंकतालिका हेर्नुस 

काउलुन क्रिकेट क्लब मैदानमा नेपालले टस जितेर पहिले ब्याटिंग गरेको थियो l पछिल्लो २ खेलमै उत्कृस्ट प्रदर्शन गरेकी निर्मला शाही १४ रनमा आउट हुन ३२/३ को स्थितिमा पुगेको नेपाली टिमको इनिंगलाई नेरी थापाले उकासिन् l ओपनर काजोल श्रेष्ठ २ , सिता राना मगर ६ मा आउट भएका थिए l

जित पछि सेल्फी l फोटो : ZapStudio Hk
जित पछि सेल्फी l फोटो : ZapStudio Hk

नेरीले आफ्नो पुरानो फर्म दोहोर्याउने क्रममा जिम्मेवारीपूर्ण ब्याटिंग गर्दै ४२ बलमा ३८ रन प्रहार गर्ने क्रममा २ चौका र २ छक्का प्रहार गरिन् l ज्योति पाण्डे र नेरी थापाले पाचौ विकेटको लागि ३५ रनको साझेदारी गरेका थिए l पाण्डेले १० रन प्रहार गरिन् l १५ रन नेपालले अतिरिक्तको रुपमा पायो l

चिनी बलर यिंगयिंगले ५ तथा जीले २ विकेट हात पारिन् l

प्रतिउत्तरमा चिनले खुलेर ब्याटिंग गर्न सकेन र पुरै २० ओभरमा ७३/८ मात्रै बनाउन सक्यो l कसिलो बलिंग गरेको नेपालको लागि सिता राना मगरले ३ विकेट हात पारिन् भने सबनम राईले २ तथा इन्दु बर्मा र सिता मगरले १/१ विकेट आफ्नो नाम गरिन् l

खेलको उत्कृस्ट खेलाडी यिंगयिंग घोषित भईन् l