२०१९ बिश्वकप ट्रफी नेपाल ल्याइने, कहाँ राखिनेछ ? के गर्न पाईन्छ ?



  • विकेटनेपाल – ९ भदौ, शनिवार

आगामी ३० मेदेखि १४ जुलाईसम्म इंग्ल्याण्डमा आयोजना हुने सन् २०१९ एक दिवसीय विश्वकपको ट्रफी नेपाल ल्याइने भएको छ। हरेक संस्करण अघि बिजेताले पाउने ट्रफीलाई बिभिन्न देश र स्थानमा लगिने चलन अनुरुप् यस संस्करणको ट्रफीलाई इतिहासमै पहिलो पटक नेपाल समेत ल्याइने भएको हो।

नेपालमा सन् २०१३ मा फुटबल विश्वकपको ट्रफी ल्याईएको थियो जसलाई तत्कालिन रास्ट्रपति रामबरण यादबले सार्वजनिक गर्नुभएको थियो। त्यसबेला उक्त ट्रफी राष्ट्रपति यादबलाई मात्र छुन दिईएको थियो भने अन्य सबैले ट्रफीसंग तस्बिर मात्रै खिचाउन पाएका थिए। भर्खरै एकदिवसीय मान्यता पाएको अवस्था तथा आईसीसीको क्रिकेटलाई बिश्वब्यापी बनाउने नीति अनुरुप यो पटक ट्रफी टुरलाई विस्तार गरिएको हो।

क्रिकेट वर्ल्ड-कप ट्रफी टुर नाम दिइएको यस चलन अगष्ट २७ २०१८ बाट दुबईबाट सुरु हुनेछ। सो ट्रफीलाई ५ महादेशको २१ देशका ६० बढी शहरमा लगिने छ। यसअघि कुनै पनि क्रिकेट विश्वकपको ट्रफीलाई यति धेरै स्थानमा लागिएको थिएन। विश्वभरका क्रिकेट समर्थकहरुलाई विश्वकपको नजिक पुर्याउन अन्तर्राष्ट्रिय क्रिकेट परिषद (आइसीसी)ले यो कदम लिएको बताएको छ।

९ महिना लामो ट्रफी यात्राको दौरान विश्वकपमा सहभागी नभएका देशहरु नेपाल, संयुक राज्य अमेरिका र जर्मनीमा यस ट्रफीलाई प्रदर्शन गरिने छ। २०१९ को एकदिवसीय बिश्वकपमा १० टोलि सहभागी हुनेछन् जसमा अस्ट्रेलिया, न्युजिल्याण्ड, भारत, पाकिस्तान, इंग्ल्याण्ड, वेस्ट इन्डिज, बंगलादेश, श्रीलंका , अफगानिस्तान र दक्षिण अफ्रीका रहेको छ।

कहिले र कसरी आउंछ नेपालमा ट्रफी ?

विश्वकप क्रिकेट ट्रफी यात्रा संयुक्त अरब एमिरेट्सको दुबईबाट सुरुभएपछि सर्वप्रथम ओमान पुग्नेछ। ओमानबाट ट्रफीलाई संयुक्त राज्य अमेरिका, वेस्ट इन्डीज हुँदै एसिया भित्र्याइने छ। एसियामा सुरुवातमा ट्रफीलाई श्रीलंका लगिनेछ। त्यसपश्चात पाकिस्तान र बंगलादेश हुँदै ट्रफी २७-२९ अक्टोबरमा नेपाल आइपुग्नेछ। ट्रफी नेपालको काठमाण्डौ स्थित दरबार क्षेत्रमा राखिने आइसीसीले जनाएको छ।

नेपालबाट सो ट्रफीलाई भारत लगिनेछ। त्यसपश्चात भने ट्रफीलाई न्युजील्याण्ड, अष्ट्रेलिया, दक्षिण अफ्रिका, केन्या, रवान्डा, नाइजेरिया, फ्रान्स, बेल्जियम, नेदरल्याण्ड र जर्मनीहुँदै इंग्ल्याण्ड पुर्याइने आइसीसीले आफ्नो आधिकारीक वेबसाइटमा उल्लेख गरेको छ।

नेपालमा सन् २०१३ मा फुटबल विश्वकपको ट्रफी ल्याईएको थियो जसलाई तत्कालिन रास्ट्रपति रामबरण यादबले सार्वजनिक गर्नुभएको थियो।

के-के गर्न पाउछन् समर्थकले ट्रफीसंग ?

ट्रफीलाई भ्रमणका क्रममा बिभिन्न देशका महत्वपूर्ण र पुरातात्विक स्थानमा लगिनेछ। बिभिन्न स्थानमा बनाईएको भर्चुअल रियालिटी क्रिकेट जोनमा समर्थकहरुले सहभागिता जनाउंदै ट्रफीसंग तस्बिर खिचाउन समेत पाउनेछन्।

सन् २०१९ को एक दिवसीय विश्वकप इंग्ल्याण्डमा हुँदैछ। प्रतियोगितामा आयोजक इंग्ल्याण्ड सहित साबिक बिजेता अष्ट्रेलिया, दक्षिण अफ्रिका, वेस्ट इन्डीज, भारत, श्रीलंका, पाकिस्तान, न्युजील्याण्ड, अफगानिस्तान र बंगलादेश गरी १० टोलिको सहभागिता रहने छ। प्रतियोगिताको फाइनल खेल जुलाई १४ मा लर्ड्स मैदानमा खेलिनेछ।





थप समाचार

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]

एसीसी टि-२० महिला : नेपाल सेमिफाइनलमा

एसिसी महिला टी–ट्वान्टी च्याम्पियनसिपमा नेपालले बहराइनलाई पराजित गर्दै सेमिफाइनलमा प्रवेश गरेको छ । स्कोरकार्ड , अंकतालिका  मलेसियाको किनरारा ओभल क्रिकेट […]