इंग्ल्याण्डले बनायो एकै इनिंगमा ४८१ रन, नयाँ विश्वरेकर्ड



  • विकेटनेपाल, असार ५ – मंगलबार

अस्ट्रेलियाको इंग्ल्याण्ड भ्रमण अन्तर्गत अहिले ट्रेन्ट ब्रिजमा जारि तेस्रो एकदिवसीय खेलमा इंग्ल्याण्डले निर्धारित ५० ओभरमा ६ विकेट गुमाएर ४८१ रन बनाएको छ। एकदिवसीय क्रिकेटको सर्बाधिक ठुलो योगफल बनाउने क्रममा इंग्ल्याण्डले २ बर्षअघि आफैले बनाएको ४४४ रनको रेकर्ड तोडेको हो।

यसअघिका दुबै एकदिवसीय क्रिकेटमा जित हात पार्दै आजको जित सहित सिरिज आफ्नो बनाउने लक्ष्य सहित टस हारेर पहिले ब्याटिंग गरेको इंग्ल्याण्डका लागि जोन्नी बेयारिस्टो र एलेक्स हेल्सले शतक बनाए भने कप्तान ईयान इयान मोर्गान र जेसन रोयले अर्धशतक प्रहार गरे।

जेसन पहिलो विकेटको रुपमा ८२ रन (६१ बल, ७ चौका, ४ छक्का) बनाउँदै रन आउटको सिकार हुनुअघि उनले पहिलो विकेटको लागि बेयारिस्टोसँग मिलेर १५९ रनको साझेदारी गर्दा मात्र १९.३ ओभरको सामना गरे। त्यसपछि आक्रमण जारि राखेका बेयारिस्टोले १३९ रन (९२ बल, १५ चौका, ५ छक्का) को पारि खेल्नेक्रममा दोश्रो विकेटका लागि हेल्ससँग १५१ रनको साझेदारी गरे। बेयारिस्टो एस्टन एगरको हाफ ट्रयाकरमा फस्दै मिडविकेटमा सामान्य क्याच दिए। हेल्सले पनि समान ९२ बल सामना गर्दै १६ चौका र ५ छक्काको मद्दतमा १४७ रन बनाए।

त्यसपछि आएका कप्तान मोर्गानले २१ बलमा अर्धशतक प्रहार गर्दै इंग्ल्याण्डका लागि एकदिवसीय क्रिकेटको सर्बाधिक छिटो अर्धशतक बनाउने खेलाडी बने भने एकदिवसीय क्रिकेटमा सर्बाधिक रन बनाउने ईयान बेलको नाममा रहेको रेकर्डपनि आफ्नो नाममा गराउने क्रममा मात्र ३० बलमा ६७ रन बनाए।

बलिंगतर्फ फ्ल्याट पिच र छोटो बाउन्ड्री भएको मैदानमा झाए एन्डरसनले ३ विकेट लिन ९२ रन खर्चे भने एकविकेट एस्टन अगरको नाममा रह्यो। एन्ड्रीउ टाईले १०० रन खर्चिन मात्र ९ ओभर बलिंग गरे।





थप समाचार

रोहित चम्किंदा दोश्रो अभ्यास खेलमा नेपालको जित

नेपाली राष्ट्रिय क्रिकेट टिमको क्यानडा भ्रमण अन्तर्गत खेलिएको दोश्रो अभ्यास खेलमा नेपालले एमएलसीसी-११ ओन्टारियोलाई पराजित गरेको छ। नेपालले दिएको २१० […]

महेन्द्र नारायण निधि प्रदेशस्तरिय क्रिकेट : सप्तरी, पर्सा र बारा सेमीफाइनलमा

राजबिराजमा संचालित महेन्द्र नारायण निधि प्रदेश स्तरिय क्रिकेट प्रतियाेगिता सेमिफाईनलमा सप्तरी तथा पर्सा र बारा प्रवेश गरेका छन। आइतबार लिग […]

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]