सप्तरी महिला प्रिमियर लिग टि-२० सुरु, सुरुंगाको जित



सप्तरी महिला प्रिमियर लिग टि-२० क्रिकेट प्रतियोगिता राजविराजमा सुरु भएको छ।

राजबिराज स्थित पब्लिक विन्देश्वरी माध्यमिक विद्यालयमा सम्पन्न लिगको उद्घाटन खेलमा सुरुंगाले एक पक्षिय खेलमा खडकलाई ८ विकेटले पराजित गरेको छ ।

टस जितेर पहिलो ब्याटिंग गर्ने निर्णय गर्दै खडकले निर्धारित २० ओभरको खेलमा ८ विकेट नोक्सानीमा ८२ रनको योगफल तयार पारेको थियो। खडकको लागि सन्तोषी चौधरी १८, सरस्वती चौधरी १२, रश्मी शर्मा १० र काजल श्रेष्ठले ९ रनको योगदान दिएका थिए।

बलिंगतर्फ सुरुंगाका लागि संगिता राई र सोमु बिष्टले सामान २ बिकेट तथा रुविना श्रेत्री र अप्सरा बेगमले सामान १ विकेट लिए।

८३ रनको झिनो लक्ष्य लिई मैदानमा ओर्लेको सुरुंगाले उक्त लक्ष्य १९ ओभर १ बलमा २ विकेटको नोक्सानीमा पुरा गर्यो।

सुरुंगाका लागि रोमा थापाले अविजित ३४ तथा अप्सरा बेगमले अविजित १५ रनको योगदान दिए। रुविना चौधरी र नितु भण्डारीले क्रमश १४ र १३ रनको योगदान दिए।

खडकका लागि शान्ति चौधरी र रश्मी शर्माले सामान १ विकेट लिए। खेलको प्लेयर अफ द म्याच सुरुंगाका रोमा थापा चुनिए।

प्रतियोगिताको उदघाटन सबल नेपालका कार्यकारी निर्देशक दिपक कुमार झाको अध्यक्षता तथा राजबिराज नगरपालिकाका नगर प्रमुख शम्भु प्रसाद यादवको प्रमुख आतिथ्यतामा सम्पन्न भएको थियो।

कार्यक्रमको उदघाटन राजबिराज नगरपालिकाका उप मेयर साधना झा, सुरुंगा नगरपालिकाका उपमेयर बिन्दा कुमारी पासवान र खडक नगरपालिकाका उपमेयर यासमिन सुल्तानले संयुक्त रुपमा क्रमशः ब्याटिंग, बलिंग र किपिंग गरेका थिए ।

कार्यक्रममा राजबिराज नगरपालिका वडा नं. ५ का अध्यक्ष समिर कुमार झाले स्वागत मन्तव्य राखेका थिए भने कार्यक्रम तिलाठि कोईलाडि गाउँपालिका अध्यक्ष सतिश कुमार सिंह, नेपाली सेनाका सेनानी अमर बहादुर थापा, सप्तरी क्रिकेट संघका अध्यक्ष आयुश श्रेष्ठ, सिस्का एलइडी कन्ट्री प्रमुख श्यामबावु झा लगायतको उपस्थिती रहेको थियो भने कार्यक्रमको संचालन सबल नेपालका कार्यक्रम सुपरभाईजर राधेश्याम रामले गरेका थिए ।





थप समाचार

अमित मिश्राले शानदार बलिंग गर्दा मुम्बईको चलेन ब्याटिंग

१४ औं आईपीएल अन्तर्गत १३ औं खेलमा मुम्बई इन्डीयन्स र दिल्ली क्यापिटल्स प्रतिस्पर्धा गरिरहेका छन्। चेन्नाई स्थित एमए चिदम्बरम स्टेडियममा […]

नेपाल बिरुद्ध जितमा नेदरल्याण्डले बनायो ६ ठुला रेकर्ड

नेपाललाई ३ विकेटले स्तब्ध पार्दै नेदरल्याण्डले नेपालमा जारी त्रि-देशीय टि-ट्वान्टीमा दोश्रो जित दर्ता गर्न सफल रह्यो। नेपालले दिएको २०७ रनको […]

कप्तान मल्लले बताए सोमपाललाई तेश्रो ओभर बलिंग नदिनुको कारण

त्रि-देशीय सिरिजमा नेदरल्याण्डसंग हार पछि नेपाली टिमका कप्तान ज्ञानेन्द्र मल्लले डेथ ओभरमा सोमपाल हुँदा हुँदै सन्दिप लामिछानेलाई १८ औं ओभरमा […]

रोमान्चक खेलमा नेपाल बिरुद्ध नेदरल्याण्डको कीर्तिमानी जित, लिडेको कीर्तिमानी ब्याटिंग

नेपालमा जारी त्रि-देशीय टि-२० सिरिज अन्तर्गत चौथो खेलमा नेदरल्याण्डले नेपाललाई ३ विकेटले पराजित गर्दै दोश्रो जित दर्ता गरेको छ। टियु […]

कुशलले बनाए विश्वकीर्तिमान, नेदरल्याण्ड बिरुद्ध नेपालको किर्तिमानी योगफल

नेपालमा जारि नेपाल, नेदरल्याण्ड र मलेसिया सम्मिलित त्रि-देशीय टि-ट्वान्टी सिरिज अन्तर्गत चौथो खेलमा नेपाल र नेदरल्याण्ड प्रतिस्पर्धा गरिरहेका छन्। टियु […]

नेदरल्याण्डसंग नेपालले टस जितेर ब्याटिंग गर्दै, यस्तो छ अन्तिम-११

नेपालमा जारि त्रि-देशीय टि-ट्वान्टी सिरिज अन्तर्गत चौथो खेलमा मंगलबार नेपाल र नेदरल्याण्ड प्रतिस्पर्धा गर्दैछन्। खेलमा नेपालले टस जितेर ब्याटिंग गर्ने […]