टि-२० बिश्वकप : भारतलाई पराजित गर्दै इंग्ल्याण्ड फाइनलमा



  • विकेटनेपाल, मङ्सिर-७ 

वेस्ट इन्डिजमा जारी महिला टि-२० विश्वकप अन्तर्गत दोश्रो सेमीफाइनलमा इंग्ल्याण्डले भारत माथि ८ विकेटको जित हात पारेको छ। जितसंगै इंग्ल्याण्डले उपाधिको लागि ३ पटकको विजेता अस्ट्रेलियाको सामना गर्नेछ।

बिश्वकपको उपाधिको लागि अस्ट्रेलिया र इंग्ल्याण्ड भोलि ( नोभेम्बर २४ ) ८ बजे राति प्रस्तिस्पर्धा गर्नेछन्। अस्ट्रेलियाले हिजै डिफेन्डिंग च्याम्पियन विन्डिजलाई ७१ रनले पराजित गर्दै फाइनलको यात्रा तयार गर्यो।

भिभ रिचर्ड मैदानमा टस जितेर ब्याटिंगमा उत्रेको भारत १९.३ ओभरमा आफ्नो सबै विकेट गुमाएर १२२ रनमा समेटिन पुगेको थियो।

राम्रो सुरुवात गरेको इंडियाले ओपनर स्मृति मंधना ३४ (२३ बल,५ चौका,१ छक्का) रन बनाएर पभेलियन फर्किए पछि लगातार विकेट गुमायो। खेलभरि ठोस साझेदारी हुन नसक्दा ४३/० को अवस्थाबाट अन्ततः भारत ११२ रनमा समेटियो। भारतको लागि जेमिमा रोड्रिगेजले २६ तथा कप्तान हर्मनप्रीत कौरले १६ बाहेक अरुले उल्लेखनिय योगदान गर्न सकेनन्।

भारतलाइ सस्तैमा समेट्न इंग्ल्याण्डका कप्तान हिदर नाइटले २ ओभरमा ९ रन खर्चेर ३ विकेट तथा क्रिस्टी गोर्डन र सोफीले समान २/२ विकेट लिए। भारतले ३ विकेट रन आउटको रुपमा गुमाएको थियो।

जवाफी ब्याटिंगमा उत्रेको इंग्ल्याण्डले १७.१ ओभरमा दुई विकेट मात्र गुमाएर लक्ष्य पुरा गर्यो।

इंग्ल्याण्डलाई सहज जित दिलाउन एमी एलेन जोन्स र नताली सिवरले तेश्रो विकेटको लागि ९२ रनको साझेदारी गरे। एमीले ४७ बलको सामना गर्दै २ चौका र १ छक्काको मद्दतले अविजित ५३ रन तथा नताली सिवरले ३८ बल मा ४ चौका प्रहार गर्दै ५२ रन प्रहर गरिन।

इंडियाको लागि दिप्ती शर्मा र राधा यादवले समान १/१ विकेट हात पारे।

अविजित ५३ रन र दुई महत्वपूर्ण रन आउट गरेकी एमी एलेन जोन्स खेलको प्लेयर अफ द म्याच चुनिईन्।

यस अघि भएको पहिलो सेमिफाइनलमा आयोजक विन्डिजलाई ७१ रनले पराजित गर्दै अस्ट्रेलिया फाइनल प्रवेश गरेको थियो।

प्रतियोगिताको समुह चरणमा भारत अपराजित रहेको थियो र अस्ट्रेलिया, न्युजिल्याण्ड, न्युजिल्याण्ड र आयरल्याण्डलाई पराजित गर्दै सेमीफाइनल यात्रा गरेको थियो। इंग्ल्याण्ड भने २ जित र १ हार तथा १ नतिजाबिहिन खेल सहित सेमीफाइनल प्रवेश गरेको थियो।

दोश्रो सेमीफाइनल :  अस्ट्रेलियासंग विन्डिज सजिलै पराजित 

बिहिबार साँझ सम्पन्न प्रतियोगिताको अर्को सेमीफाइनलमा विन्डिजलाई अस्ट्रेलियाले ७१ रनले पराजित गर्यो।

टस हारेर ब्याटिंग गर्दै अस्ट्रेलियाले २० ओभरमा ५ विकेट गुमाएर १४२ रन बनाएको थियो। जवाफमा विन्डिजले ७१ रनमै सबै विकेट गुमायो र ठुलो हार बेहोर्यो।

जितमा अस्ट्रेलियाको लागि प्लेयर अफ द म्याच चुनिएकि एलिस्या हिलेले ४६ रन ( ३८ बल, ४ चौका र १ छक्का ) र एलसी पेरि, डेलीसा किम्मिनसे र एशले गार्डनरले समान २-२ विकेट लिए।

टि-२० बिश्वकपको हालसम्म अस्ट्रेलियाले ३ पटक , इंग्ल्याण्ड र वेस्ट इन्डिजले १/१ पटक उपाधि जितेका छन्। सन् २००९ को संस्करण इंग्ल्याण्डले जितेपछि २०१०, २०१२ र २०१४ को संस्करणमा अस्ट्रेलिया विजेता भएको थियो भने २०१६ को भारतमा सम्पन्न पछिल्लो संस्करण वेस्ट इन्डिजले फाइनलमा अस्ट्रेलियालाई पराजित गर्दै जितेको थियो।





थप समाचार

IPL : कोलकाताद्वारा हैदरावाद १० रनले पराजित

१४ औं आईपीएल अन्तर्गत आइतबार सम्पन्न खेलमा कोलकाता नाइट राइडर्सले सनराइजर्स हैदरावादलाई १० रनले पराजित गर्दै विजयी सुरुवात गरेको छ। […]

IPL : कोलकाताद्वारा हैदरावादलाई १८८ रनको लक्ष्य

इन्डीयन प्रिमियर लिग ( आईपीएल ) अन्तर्गत तेश्रो खेलमा कोलकाता नाइट राइडर्स र सनराइजर्स हैदरावाद प्रतिस्पर्धा गरिरहेका छन्। एमए चिदम्बरम […]

क्यानले थाल्यो नामिबियासंग एकदिवसीय सिरिजको तयारी

नेपाल क्रिकेट संघ ( क्यान ) ले आगामी मे महिनाको तेश्रो साता नामिबियासंग एकदिवसीय अन्तर्राष्ट्रिय सिरिज गर्ने तयारी गर्ने भएको […]

IPL : चेन्नाई बिरुद्ध धवनको कीर्तिमान, दिल्लीको शानदार जित

आईपीएल २०२१ अन्तर्गत दोश्रो खेलमा दिल्ली क्यापिटल्सले चेन्नाई सुपर किंग्सलाई ७ विकेटले सहजै पराजित गर्दै विजयी सुरुवात गरेको छ। मुम्बईको […]

पाकिस्तानको जितमा रिजवानको उत्कृस्ट इनिंग्स

दक्षिण अफ्रीका भ्रमण अन्तर्गत ४ वटा टि-२० अन्तर्राष्ट्रियको सिरिज अन्तर्गत पहिलो खेलमा भ्रमण टोलि पाकिस्तान ४ विकेटले विजयी हुँदै सिरिजमा […]

IPL : पुनरागमन खेलमा रैनाको अर्धशतक, दिल्लीलाई चुनौतीपूर्ण लक्ष्य

भारतमा जारि १४ औं सिजनको इन्डीयन प्रिमियर लिग ( आईपीएल ) अन्तर्गत दोश्रो खेललाई मा चेन्नाई सुपर किंग्स र दिल्ली […]