युथ एसिया कपको अन्तिम चरण अभ्यास शनिबार देखि, भारतसंग पहिलो खेल

Pawan Sarraf


  • विकेटनेपाल,असोज ५ 

सेप्टेम्बर २९ देखि ७ अक्टोबरसम्म बंगलादेशमा आयोजना हुने अन्डर-१९ युथ एसिया कपको लागि नेपाली युवा टिमले शनिबार देखि तयारी थाल्ने भएको छ।

यु-१९ युथ एसिया कपमा नेपालले भारतसंग सेप्टेम्बर २९ तारिकमा पहिलो खेल खेल्दैछ। नेपाल रहेको समुह ‘ए’ मा साविकको बिजेता अफगानिस्तान सहित भारत र युएई रहेका छन्। खेल तालिका सबैभन्दा तल 

भारतमा यसै साता सम्पन्न चौकोणीय सिरिजमा सहभागिता पछि युवा टिम बिहिबार स्वदेश फर्किएको हो। सिरिजमा नेपालले भारत यु-१९ ‘ए’ र ‘बि’ संग पराजित भए पनि अफगानिस्तान यु-१९ लाई पराजित गरेको थियो भने तेश्रो स्थानको लागि भएको खेलमा भने पराजित भए पछि चौथो स्थान हाँसिल गरेको थियो।

टिमका मुख्य प्रशिक्षक बिनोद दासका अनुसार शनिबार १२:३० बजे देखि टिमले अभ्यास सुरु गर्नेछ। अभ्यासमा भारत टुरमा गएका र भारत जानु अघि टिममा रहेका गरि कुल १९ जना खेलाडीहरु रहेका छन्।

Rohit Paudel
Rohit Paudel

१९ मध्ये १५ जनाको टिम बंगलादेश जानेछ जसको छनौट भइसकेको र अन्तर्रास्ट्रिय क्रिकेट परिषद ( आईसीसी ) को अनुमति पछि १-२ दिन भित्रै टिमको घोषणा गर्ने दासले विकेटनेपाललाई जानकारी गराएका छन्। टिम २७ सेप्टेम्बरमा बंगलादेश प्रस्थान गर्ने तालिका रहेकोछ।

भारत टुरमा गएका खेलाडी मध्ये ३-४ वटा खेलाडी परिवर्तन गरेर टिम छनौट गर्ने यसअघिनै प्रशिक्षक दासले बताईसकेका छन्। सिनियर टिमका नियमित खेलाडी रोहित पौडेल समेत यु-१९ टिमबाट एसिया कपमा खेल्नेछन्।

मलेसियामा अघिल्लो बर्ष सम्पन्न यु-१९ युथ एसिया कपको अघिल्लो संस्करणमा नेपालले भारतलाई पराजित गर्दै इतिहासमै पहिलो पटक सेमीफाइनलसम्मको यात्रा तय गरेको थियो।

युथ एसिया कपमा नेपालको खेल तालिका

प्रतियोगितामा ८ राष्ट्रहरु सहभागी हुनेछन् जसलाई २ समुहमा बिभाजन गरिएको छ। नेपाल समुह ‘ए’ मा रहेको छ जुन समुहमा साविकको विजेता अफगानिस्तान, भारत र युएई रहेका छन्। यस्तै समुह ‘बि’ मा आयोजक बंगलादेश, हंगकंग, पाकिस्तान र श्रीलंका रहेका छन्। प्रतियोगिताको खेलहरु ढाका र चिटागोंगमा हुनेछ।

२ वटा समुहबाट उत्कृस्ट २ हुने ४ टिमहरु सेमीफाईनल खेल्न छनौट हुनेछन्। अक्टोबर ४ र ५ तारिकमा सेमीफाईनल र अक्टोबर ७ तारिकमा फाईनल खेलिनेछ।

समुह ‘ए’ – नेपाल, भारत, अफगानिस्तान र युएई
समुह ‘बि’ – बंगलादेश,  हंगकंग,पाकिस्तान र श्रीलंका

नेपालको खेल तालिका :- सेप्टेम्बर २९ Vs भारत, अक्टोबर १ Vs अफगानिस्तान, अक्टोबर २ Vs युएई





थप समाचार

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]

यु-१९ राष्ट्रिय : उपाधिको लागि लुम्बिनी र सुदूरपश्चिम खेल्दै

नेपाल क्रिकेट संघको आयोजनामा काठमाडौँमा जारी अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेश प्रतिस्पर्धा गर्दैछन्। खेल नेपाली […]

सितालाई हंगकंगमा खेल्ने अवसर

राष्ट्रिय महिला क्रिकेट टिमकी उपकप्तान सीता रानामगरले हङकङमा आयोजना हुने फेयर ब्रेक इन्भिटेसनल महिला टि-२० प्रतियोगिता २०२२ खेल्ने भएकी छिन्। […]

U19 National : सुदूरपश्चिम फाइनलमा, हेमन्त र शेरको घातक बलिंग

लिग चरणको अन्तिम खेलमा बागमती प्रदेशलाई ८ विकेटले पराजित गर्दै सुदूरपश्चिम प्रदेश यु-१९ राष्ट्रिय प्रतियोगिताको फाइनल पुगेको छ। लिग चरणमा […]