युवराज सिंह द्वारा नेपाली युवा टिमको प्रसंशा

Nepal U19 Cricket Team after beating India U19 cricket team


  • विकेटनेपाल, २१ मङ्सिर  

भारतीय क्रिकेटर युवराज सिंहले नेपाली यु-१९ रास्ट्रिय क्रिकेट टिमको प्रसंशा गरेका छन्।

अन्तर्राष्ट्रिय क्रिकेट परिषद ( आईसीसी ) ले यु-१९ बिश्वकप सुरु हुनु अघि गरेको अन्तर्वार्ताको क्रममा युवराजलाई सोधिएको एक प्रश्नको उत्तरमा उनले नेपाली यु-१९ टिमले राम्रो गरिरहेको जवाफ दिएका हुन्।

यु-१९ बिश्वकप २०१८ जित्ने दाबेदार रास्ट्र कुन हो ? भन्न प्रश्नमा युबराजले आयोजक रास्ट्र न्युजिल्याण्ड र भारत दाबेदार रहेको र अफगानिस्तान, नेपालले पनि राम्रो गरिरहेको बताएका छन्।

“न्युजिल्याण्ड र पक्का पनि भारत, अफगानिस्तान, नेपाल निकै राम्रो गरिरहेका छन्। यु-१९ स्तरमा भविष्यवाणी गर्नु मुस्किल हुन्छ”

युवराजले नेपाली टिमको नाम लिंदै गर्दा नेपाल भने यो पटकको यु-१९ बिश्वकपमा छनौट हुन सकेको छैन। यसै बर्ष जुलाईमा सिंगापुरमा सम्पन्न यु-१९ एसिया बिश्व कप छनौट प्रतियोगितामा दोश्रो स्थान हात पारेपछि नेपाल छनौट हुन असफल भएको थियो। प्रतियोगितामा पहिलो हुँदै अफगानिस्तान बिश्वकप छनौट भएको थियो।

गत महिना मलेसियामा सम्पन्न यु-१९ एसिया कपमा नेपाली युवा टिमले भारतलाई पहिलो पटक पराजित गरेपछि भारतीय मिडियामा चर्चाको बिषय बनेको थियो। राहुल द्रविडले प्रशिक्षण गरिरहेको भारतलाई नेपालले कुनै पनि स्तरको क्रिकेटमा पहिलो पटक पराजित गरेको थियो। १९ रनले भारतबिरुद्ध विजय हुने क्रममा नेपालले दिएको १८६ रनको लक्ष पछ्याएको भारत १६६ रनमै अलआउट भएको थियो। उक्त खेलमा नेपालका कप्तान दिपेन्द्र ऐरील ८८ रन बनाउनुको साथै ४ विकेट हात पारेका थिए।

यो पनि पढ्नुस – भारत पराजित भएपछि चर्चित भारतीय कमेन्टेटर हर्षा भोगलेको यस्तो भनाइ

नेपाली यु-१९ टिमले गत महिना भारतलाई पराजित गरेको थियो

यु-१९ बिश्वकप जनवरी १३ जनवरी देखि न्युजिल्याण्डमा सुरु हुनेछ जसमा १६ रास्ट्रहरु सहभागी हुनेछन्। १२ टेस्ट रास्ट्र पछि पपुवा न्युगिनी, क्यानाडा, केन्या र नामिबिया प्रतियोगिताको लागी छनौट भएका छन्।

नेपाल २०१६ को बंगलादेशमा सम्पन्न यो भन्दा अघिल्लो संस्करणमा यु-१९ बिश्वकपमा छनौट भएको थियो जुनबेला क्वार्टरफाइनल सम्म स्थान बनाएको थियो। त्यस प्रतियोगितामा नेपालले टेस्ट रास्ट्र न्युजिल्याण्डलाई पराजित गरेको थियो।

यो पनि पढ्नुस – भारतीय मिडियाले यसरी गरे नेपाली टिमको तारिफ

सन् २००० देखि यु-१९ बिश्वकप खेल्न थालेको नेपालले हालसम्म ७ वटा बिश्वकपमा सहभागिता जनाईसकेको छ। यस क्रममा नेपालले पाकिस्तान, बंगलादेश, दक्षिण अफ्रीका, न्युजिल्याण्ड जस्ता टेस्ट रास्ट्रहरुलाई पराजित गरिसकेको छ। सन् २००६ यु-१९ बिश्वकपको प्लेट-च्याम्पियनसिपको फाइनलमा नेपालले दक्षिण अफ्रीकालाई पराजित गर्न सफल भएको थियो।

युबराज सिंह आफै पनि यु-१९ क्रिकेटर हुँदै भारतीय टिमको यात्रा गरेका क्रिकेटर हुन्। सन् २००० को यु-१९ बिश्वकप भारतले जित्दा मोहम्मद कैफको कप्तानीमा खेलेका युबराज उत्कृस्ट प्रदर्शन गर्दै प्रतियोगिताकै उत्कृस्ट खेलाडी चुनिएका थिए। सोहि प्रदर्शनको आधारमा उनलाई भारतीय टिममा चुनिएको थियो।

युबराजको आईसीसीसंगकको अन्तर्वार्ता नेपाली यु-१९ टिम प्रशिक्षक बिनोद दासले आफ्नो फेसबुकमा शेयर गर्दै युबराज सिंहले पनि नेपाल यु-१९ टिम यु-१९ स्तरमा बलियो टिम रहेको स्वीकार गरे भनेका छन्। युवराजको अन्तर्वार्ता हेर्न यो लिंकमा क्लिक गर्नुहोला 

केहि दिन अघि आईसीसीका प्रमुख कार्यकारी अधिकृत डेभिड रिचर्डसनले नेपाली युवा टिमको प्रशंशा गरेका थिए। उनले नेपाल क्रिकेटको बिकाससिल रास्ट्रहरुको लागि उदाहरण रहेको प्रतिक्रिया दिंदै यु-१९ स्तरमा उत्कृस्ट प्रदर्शन गरेको उल्लेख गरेका थिए।





थप समाचार

T20WC : ट्रंपलम्यानको घातक बलिंग, नामिबियाद्वारा स्कटल्याण्ड पराजित

स्कटल्याण्डलाई ४ विकटले पराजित गर्दै युएईमा जारि टि-ट्वान्टी विश्वकपको सुपर-१२ चरणमा नामिबियाले विजयी सुरुवात गरेको छ। पहिलो खेलमा अफगानिस्तानसंग पराजित […]

पाकिस्तानसंग हारपछि पनि सेहवागको विश्वास “भारतले टि-२० विश्वकप जित्नेछ”

युएईमा जारी टि-ट्वान्टी विश्वकपको आफ्नो पहिलो खेलमै पाकिस्तानसंग १० विकेटको विशाल अन्तरले पराजित भएको भारतलाई प्रतियोगिता सुरु हुनु अघि विश्वकप […]

विश्वकप एसियाली छनोट खेल्ने महिला राष्ट्रिय टिमको घोषणा, कविता पहिलो पटक राष्ट्रिय टिममा

युएईमा आगामी महिना नोभेम्बर २० देखि २६ तारिखमा आयोजना हुने २०२१ आईसीसी महिला टि-ट्वान्टी विश्वकपको एसिया छनोट प्रतियोगिताको लागि १४ […]

T20WC : बंगलादेश बिरुद्ध शानदार जित पछि इंग्ल्यान्ड समुह ‘१’ को शिर्षमा

युएईमा जारी टि-ट्वान्टी विश्वकप अन्तर्गत सुपर-१२ चरणमा इंग्ल्यान्डले आफ्नो शानदार लय जारी राख्ने क्रममा बंगलादेशलाई ८ विकेटले सहजै पराजित गरेको […]

T20WC : टि-२० विश्वकपमा आज दुई खेल हुँदै

युएईमा जारि टि-ट्वान्टी विश्वकपको सातौँ संस्करण अन्तर्गत सुपर-१२ चरण चल्दै गर्दा आज बुधबार दुई खेल हुँदैछन्। दिनको पहिलो खेलमा समुह […]

T20WC : पाकिस्तानको लगातार दोश्रो जित

न्युजिल्यान्डलाई  ५ विकेटले पराजित गर्दै पाकिस्तानले टि-ट्वान्टी विश्वकपमा लगातार दोश्रो जित दर्ता गरेको छ। पहिलो खेलमा उसले भारतलाई १० विकेटले […]