बल्ल जित्यो पाकिस्तान, सिरिज बराबरीमा



  • विकेटनेपाल – ११ माघ, बिहिवार

न्युजील्याण्ड बिरुद्धको दोस्रो टि-२० अन्तर्राष्ट्रियमा पाकिस्तानले ४८ रनको शानदार जित दर्ता गरेको छ।

न्युजिल्याण्ड भ्रमणमा पाकिस्तानको यो पहिलो जित पनि हो। शृंखलाको पहिलो खेलमा भने न्युजिल्याण्डले ७ विकेटको जित दर्ता गरेको थियो भने ५ एकदिवसीयको सिरिज पनि क्लिनस्विप गरेको थियो। ३ वटा टि-२० सिरिज १-१ को बराबरीमा पुगेपछि निर्णायक टि-२० जनवरी २८ मा खेलिनेछ।

अक्ल्याण्डमा टस जित्दै पहिले ब्याटिंगमा उत्रिएको पाकिस्तानले निर्धारित २० ओभरमा २०१ रनको बिशाल योगफल तयार गरेको थियो। उसका फखर जमान र बाबर आजमले अर्ध-शतक बनाए।

धारिलो न्युजिल्याण्डको बलिंगको पाकिस्तानले गतिलो जवाफ प्रस्तुत गर्न सफल भयो। पहिलो विकेटका लागि अहमद सेहेजाद र फखार जमानले ९४ रनको साझेदारी गरेका थिए। सेठ र्यांसको बलमा इश् सोढ़ीको हातबाट क्याच आउट हुनअघि सेहेजादले ४४ रन जोडेका थिए। मात्र ३४ बलमा उनले ६ चौका र १ छक्का प्रहार गरे।

पहिलो विकेटका लागि ठुलो साझेदारी भएपनि दोस्रो विकेटका लागि भने पाकिस्तानले त्यो दोहोर्याउन सकेन। टोलिको खातामा ९६ रन हुँदा फखर जमानपनि पभेलियन फर्किएका थिए। फखार मात्र २८ बलमा ५ चौका र ३ छक्का सहित ५० रन जोड्दा कोलिन डी ग्रयाण्डहोमको शिकार बने।

त्यसपछि भने पाकिस्तानको इनिगलाई सम्हाल्ने क्रममा कप्तान सरफराज अहमद र बाबर आजमले तेस्रो विकेटका लागि ९१ रनको साझेदारी गरे। बाबरले मात्र २९ बलमा ५ चौका र १ छक्का प्रहार गर्दै ५० रन जोडे भने सरफराजले २४ बलमा ४१ रनको बिष्फोटक इनिंग खेल्न भ्याए।

घरेलु टोलि न्युजील्याण्डको बलिंगमा बेन व्हिलरले २ विकेट लिएका थिए। यस्तै कोलिन डी ग्रयाण्डहोम् र सेठ र्यांसले पनि समान १-१ विकेट हात पारेका थिए।

न्युजिल्यान्ड इनिंग 

२०२ रनको बिजयी लक्ष्य लिएर उत्रिएको न्युजिल्याण्ड मात्र १८.३ ओभरमा १५३ रन जोड्दा अल आउट हुन पुग्यो। न्युजिल्याण्डको चेजमा मिचेल स्यान्ट्नरले ३७ तथा बेन व्हिलरले ३० रन बनाउन बाहेक अन्य ब्याट्सम्यानले खुलेर ब्याटिंग गर्न सकेनन्। स्टार खेलाडीहरु मार्टिन गुप्टिल, कोलिन मुन्रो, केन विलियम्सन नचल्दा खेलको नतिजा पाकिस्तानको पक्षमा गएको थियो।

पाकिस्तानका बलरले लगातार विकेट लिंदा न्युजिल्याण्डका ब्याट्सम्यानले साझेदारी बनाउने मौकानै पाएनन्।

घरेलु टोलिलाई सस्तैमा समेट्ने क्रममा पाकिस्तानका फाहिम अश्रफले ३ विकेट हात पारे। ३.३ ओभरको स्पेलमा अश्रफले मात्र २२ रन खर्चदै न्युजिल्याण्डलाई ३ झट्का दिए। यस्तै मोहमद आमिर र शदाव खानले पनि समान २-२ विकेट निकाले। खेलको म्यान अफ दि म्याच फखर जमान घोषित भए। यी दुई टोलि बिचको तेस्रो तथा अन्तिम टि-२० खेल आईतवार हुनेछ।

( फोटोहरु – आईसीसी, पीसीबि )





थप समाचार

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]

एसीसी टि-२० महिला : नेपाल सेमिफाइनलमा

एसिसी महिला टी–ट्वान्टी च्याम्पियनसिपमा नेपालले बहराइनलाई पराजित गर्दै सेमिफाइनलमा प्रवेश गरेको छ । स्कोरकार्ड , अंकतालिका  मलेसियाको किनरारा ओभल क्रिकेट […]