म्याच विनिंग इनिंग खेल्दै मासाकाड्जाको १८ वर्षीय करियरको अन्त्य



बंगलादेशमा जारि त्रिकोणात्मक टि-२० सिरिज अन्तर्गत जिम्बाबेले पहिलो जित दर्ता गर्ने क्रममा अफगानिस्तानलाई ७ विकेटले पराजित गरेको छ।

करियरको अन्तिम खेल खेल्ने क्रममा कप्तान ह्यामिल्टन मासाकाड्जाले उत्कृस्ट इनिंग खेल्दै जितमा अहम योगदान दिए। जिम्बाबेको लागि टि-२० अन्तर्राष्ट्रियमा सर्वाधिक रन बनाएका मासाकाड्जाले ३८ टेस्ट, २०९ एकदिवसीय र ६६ टि-२० खेल्दै क्रमशः २ हजार २ सय २३, ५ हजार ६ सय ५८ तथा १ हजार ६ सय ६२ रन बनाए। ३६ वर्षीय मासाकाड्जाले सन् २००१ मा टेस्ट र एकदिवसीयमा डेब्यु गरेका थिए।

सिरिज अन्तर्गत यस अघि ३ वटा खेलमा हार बेहोर्दै जिम्बाबे फाइनल पुग्न असफल भैसकेको छ। अफगानिस्तान र बंगलादेशले यस अघि २/२ वटा खेल जित्दै फाइनलमा स्थान सुरक्षित गरिसकेका छन्।

अन्तिम खेलमा सान्त्वना जित हात पार्ने क्रममा पहिले ब्याटिंग गर्दै अफगानिस्तानले दिएको १५६ रनको लक्ष्य जिम्बाबेले ३ विकेट गुमाएर १९.३ ओभरमा पुरा गर्यो।

कप्तान मासाकाड्जाले सर्वाधिक ४२ बलमा ७१ रन बनाउदै जितको आधार तयार गरे। टि-२० अन्तर्राष्ट्रियमा अन्तिम खेल खेल्दा कुनै पनि ब्याट्सम्यानको यो सर्वाधिक योगफल हो। उनले ४ चौका र ५ छक्का प्रहार गरे। पहिलो विकेटको लागि ब्रेण्डन टेलरसंग ४० तथा दोश्रो विकेटको लागि रेगिस चकाभासंग उनले ७० रनको साझेदारी गरे। चकाभाले ३९ रन बनाए भने सेन विलियम्सले अविजित २१ रन बनाउदै टिमलाई जित दिलाए।

अफगानिस्तानको बलिंगमा मुजिब उर् रहमानले २ विकेट तथा दौलत जद्रानले १ विकेट लिए।

अफगानिस्तानको इनिंग  

यस अघि टस जितेर ब्याटिंग गर्दै अफगानिस्तानले २० ओभरमा ८ विकेट गुमाएर १५५ रन बनाएको थियो।

अफगानिस्तानको लागि ओपनर रहमनुल्लाह गुर्बाजले सर्वाधिक ६१ ( ४७ बलमा ४ चौका र ४ छक्का ) तथा हज्रतुल्लाह जजईले ३१ रन बनाए।पहिलो विकेटको लागि गुर्बाज र जजईले ८३ रनको साझेदारी गरेका थिए। दशौँ ओभरमा जजईको विकेट गुमेपछि अफगानिस्तानले लगातार विकेट गुमाएको थियो।

जिम्बाबे बलर क्रिस मोफुले सर्वाधिक ४ विकेट ( ४-०-३०-४ ) लिए।

 

 

 





थप समाचार

T20WC : ४ बलमा ४ विकेट लिंदै क्याम्फरलेले रचे इतिहाँस, आयरल्याण्डको विजयी सुरुवात

दायाँ हाते फास्ट बलर कर्टिस क्याम्फरले ह्याट्रिक सहित लगातार ४ बलमा ४ विकेट लिंदै इतिहाँस बनाउदा युएई र ओमानमा संयुक्त […]

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]