दोश्रो वानडे : जिम्बाबेद्वारा युएई ४ रन ( डी/एल ) ले पराजित



जिम्बाबे भ्रमणमा रहेको युएईले ४ एकदिवसीय अन्तर्राष्ट्रियको सिरिज अन्तर्गत दोश्रो खेलमा पनि पराजय बेहोरेको छ। पहिलो खेलमा ७ विकेटको हार बेहोरेको युएईले सुधारिएको प्रदर्शन गरे पनि हार टार्न नसक्दा सिरिजमा २-० ले पछि परेको छ।

खेलमा पहिले ब्याटिंग गरेको युएईले दिएको २१० रनको लक्ष्य पछ्याउने क्रममा जिम्बाबेले ३२ ओभरमा १८५/४ को योगफल बनाउदा वर्षाले खेल रोकिएपछि डी/एल मेथडको आधारमा जिम्बाबेले ४ रनको जित हात पारेको हो।

यस अघि युएईको इनिंग पनि वर्षाले प्रभावित भए पछि इनिंग ३५ ओभरमा छोट्याईएको थियो। ३५ ओभरमा युएईले  ८ विकेट गुमाएर १६९ रन बनाएपछि जिम्बाबेलाई डी/एल मेथडको आधारमा लक्ष्य बढाएर २१० दिईएको थियो।

 

लक्ष्य पछ्याउने क्रममा जिम्बाबेले पहिलो ४ विकेट ९२ रनको योगफलमा  गुमाईसकेको थियो। चौथो विकेटको लागि ओपनर चकाभा र छैठौं नम्बरमा ब्याटिंग गरेका कप्तान पिटर मुरले ९५ रनको साझेदारी गर्दै जितको आधार तयार गरेका थिए। मुरले अविजित ४५ रन ( ३३ बलमा १ चौका र ३ छक्का ) तथा चकाभाले अविजित ७८ रन ( १०१ बलमा ५ चौका ) प्रहार गरे।

युएई बलर रोहन मुस्तफाले २ विकेट ( ७-०-३८-२ ) तथा जहुर खान र इमरान हैदरले १/१ विकेट लिए।

युएईको ब्याटिंग 

टस हारेर ब्याटिंग गरेको युए ईले पहिलो ३ विकेट १२ रनमै गुमाएको थियो। चौथो विकेटको लागि घुलाम शब्बिर र शैमन अनवरले १३१ रनको विशाल साझेदारी गरे।

शब्बिरले ५६ रन ( ८८ बलमा ३ चौका ) तथा अनवरले ७३ रन ( ७३ लमा ७ चौका र २ छक्का ) प्रहार गरे। कप्तान मोहम्मद नबिदले १० रन बनाउनु बाहेक अन्य युएई ब्याट्सम्यानले दोहोरो अंकमा रन बनाउन सकेनन्।

३५ ओभरमा ८ विकेट गुमाएर युएईए १६९ रनको योगफल तयार गरेको थियो।

जिम्बाबेको बलिङ्गमा कायल जार्भिसले सर्वाधिक ४ विकेट ( ७-१-१७-४ ) तथा डोनाल्ड तिरीपानोले ३ विकेट ( ७-०-३४-३ ) लिए।

सिरिज अन्तर्गत आगामी खेल अप्रिल १४ र अप्रिल १६ तारिकमा खेलिने तालिका रहेको छ।

 





थप समाचार

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]

IPL : सनसनीपूर्ण खेलमा दिल्लीलाई पराजित गर्दै कोलकाता फाइनलमा

सनसनीपूर्ण दोश्रो क्वालीफायरमा दिल्ली क्यापिटल्सलाई ३ विकेटले पराजित गर्दै कोलकाता नाइट राइडर्स १४ औं संस्करणको इन्डियन प्रिमियर लिगको फाइनल प्रवेश […]