आजम र एहमद चम्किदा १ खेल अगावै पाकिस्तानले जित्यो सिरिज



दोश्रो एकदिवसीयमा जिम्बाब्वेलाई ६ विकेटले पराजित गर्दै पाकिस्तानले १ खेल अगावै तिन एकदिवसीयको सिरिज २-० ले जित्न सफल भएको छ। पहिलो खेलमा पाकिस्तान २६ रनले विजयी भएको थियो। 

रावलपिण्डीमा सम्पन्न खेलमा टस जितेर ब्याटिंग गर्दै जिम्बाब्वेले दिएको २०७ रनको लक्ष्य घरेलु टिमले ३५.२ ओभरमा मात्र ४ विकेट गुमाएर पुरा गरेको हो।

पाकिस्तानको जितमा कप्तान बाबर आजमले सर्वाधिक ७७ रन बनाए जुन क्रममा ७४ बलमा ७ चौका र २ छक्का प्रहार गरे। इमाम उल हकले ४९ रन, हैदर अलिले २९ रन, अबिद अलिले २२ रन तथा इफ्तिकार एहमदले अविजित १६ रन बनाए।

ओपनर अबिद अलि र इमाम उल हकले ६८ रनको साझेदारी गरेका थिए। ११ औं ओभरमा अलिको विकेट पछि कप्तान आजमले अर्को किनारमा विकेट गुमेता पनि टिमलाई जितसम्म पुर्याएका थिए।

जिम्बाब्वेको बलिंगमा टेण्डाइ चिसोरोले सर्वाधिक २ विकेट ( १०-०-४९-२ ) विकेट लिए भने सिङ विलियम्स ( ५-०-३१-१ ) र सिकन्दर राजाले ( ५-१-२३-१ ) समान १ विकेट लिए।

इफ्तिखार एहमदले ५ विकेट लिए 

जिम्बाब्वेको ब्याटिंग  

यस अघि जिम्बाब्वेले ४५.१ ओभरमा सम्पूर्ण विकेट गुमाएर २०६ रन मात्र बनाउन सकेको थियो।

जिम्बाब्वेको लागि सिङ विलियम्सले सर्वाधिक ७५ रन बनाए जुन क्रममा ७० बलमा १० चौका र १ छक्का प्रहार गरे। अघिल्लो खेलमा शतक बनाएका ब्रेण्डन टेलरले ३६,  ब्रायन चरीले २५, मुजाराबानिले १७ रन बनाए।

सुरुवाती विकेट गुम्दा ५९/३ को अवस्थामा पुगेको जिम्बाब्वेलाई त्यसपछि सिन विलियम्सले एक किनार सम्हाल्दै सम्मानजनक योगफलसम्म पुर्याएका थिए। यस क्रममा विलियम्सले चौथो विकेटको लागि ब्रेण्डन टेलरसंग ६१ रनको साझेदारी गरेका थिए। १६ औं ओभरम टेलर आउट हुँदा अन्य ब्याट्सम्यानले विलियम्सलाई लामो समय साथ दिन सकेनन्।


पाकिस्तानको बलिंगमा अफ स्पिनर इफ्तिखार एहमद एक्लैले ५ विकेट लिए। उनले १० ओभरमा २ मेडन ओभर गर्दी ४० रन खर्चिए। छैठौं एकदिवसीय खेल्ने क्रममा एहमदको यो व्यक्तिगत उत्कृस्ट बलिंग स्पेल हो। मुहम्मद मुसाले २ विकेट तथा हरिस रौफ, फहीम असरफ र इमाद वासिमले समान १ विकेट लिए।

सिरिज अन्तर्गत तेश्रो एकदिवसीय मंगलबार खेलिनेछ। एकदिवसीय सिरिज पछि दुइ टिम बीच नोभेम्बर ७ देखि तिन वटा टि-२० अन्तर्राष्ट्रियको सिरिज खेलिनेछ।

यो पनि पढ्नुस 

पन्जाबको प्ले-अफ सपना चेन्नाईद्वारा चकनाचुर, गायकवाडको कीर्तिमानी अर्धशतक

पन्जाबसंगको खेल अघि धोनीको ठूलो घोषणा ‘यो मेरो आईपीएलमा अन्तिम खेल हैन’

टाउकोको उचाइको बललाई ‘नो बल’ नदिएपछि खेलाडी र फ्यानहरु चकित

इरफान पठान लंका प्रिमियर लिग खेल्न अनुबन्धित

लगातार तेश्रो हार पछि बैंगलोर कप्तान कोहलीले के भने



थप समाचार

प्रतिस्पर्धात्मक तेश्रो वानडेमा भारतद्वारा अस्ट्रेलिया पराजित

भारतको अस्ट्रेलिया भ्रमण अन्तर्गत तेश्रो एकदिवसीयमा भारतले १३ रनको जित दर्ता गरेको छ। यस अघि २ खेलमा पराजित हुँदै सिरिज […]

मलानले रचे इतिहास, टि-२० वरियतामा इतिहासकै उच्च अंक हाँसिल

दक्षिण अफ्रीका बिरुद्ध ३-० ले सिरिज जित दर्ता गर्ने क्रममा कुल १७३ रन बनाएका इंग्ल्यान्ड ब्याट्सम्यान दविड मलानले अन्तर्राष्ट्रिय क्रिकेट […]

पान्ड्या र जडेजाले कीर्तिमानी साझेदारी गर्दा भारतद्वारा अस्ट्रेलियालाई ३०३ रनको लक्ष्य

भारतको अस्ट्रेलिया भ्रमण अन्तर्गत एकदिवसीय सिरिजको तेश्रो तथा अन्तिम एकदिवसीय मेनुका ओभल, क्यानबेर्रामा जारि रहेको छ। सिरिज यस अघिनै अस्ट्रेलियाले […]

क्यानद्वारा पूर्वकप्तान कर्माचार्य छनोट समितिको संयोजक नियुक्त

नेपाल क्रिकेट संघ ( क्यान ) को कार्यसम्पादन समितिको बैठकले राष्ट्रिय क्रिकेट टिमका पहिलो कप्तान उत्तम कर्माचार्यलाई संयोजक चयन गर्दै […]

कोहलीले तोडे तेन्दुलकरको कीर्तिमान

अष्ट्रेलिया र भारतबीच ३ खेलको एकदिवसीय अन्तराष्ट्रिय शृंखला अन्तर्गत क्यानवेरा स्थित मानुका ओवल क्रिकेट स्टेडियममा तेस्रो तथा अन्तिम खेल जारि […]

एलपीएल : परेराको अर्को आक्रामक इनिंग, जाफ्नाको विजय यात्रा कायमै

लंका प्रिमियर लिग अन्तर्गत मंगलबार सम्पन्न २ वटा खेलमा दाम्बुला भाइकिंग र जाफ्ना स्टालियन्स विजयी भएका छन्। महिन्दा राजापाक्षे स्टेडियममा […]