जिम्बाबेसंग पहिलो वान-डेमा युएई सहजै पराजित



  • विकेटनेपाल, चैत-२७

जिम्बाबे भ्रमणमा रहेको युनाईटेड अरब इमिरेट्स ( युएई ) लाई पहिलो एकदिवसीय अन्तर्राष्ट्रियमा ७ विकेटले पराजित गरेको छ। जितसंगै ४ खेलको सिरिजमा घरेलु टिमले १-० को अग्रता लिएको छ।

हरारे स्पोर्ट्स क्लबमा टस हारेर ब्याटिंग गरेको युएईले ४४.५ ओभरमा सम्पूर्ण विकेट गुमाएर ११० रन मात्रै बनाउन सक्यो।

भ्रमण टिमलाई सस्तोमा समेट्न जिम्बाबे बलर टेण्डाई चताराले सर्वाधिक ३ विकेट ( १०-२-२५-३ ) हात पारे। यस्तै कायल जार्भिस ( ७.५-२-११-२ ) , डोनाल्ड त्रिपानो ( ८-३-१८-२ ) र ब्राण्डन मभुवा ( ६-०-३०-२ ) ले २/२ विकेट लिए। सिकन्दर राजाले १ विकेट ( १०-२-२१-१ ) लिए।

सुरुवात देखि लगातार विकेट गुमाउन क्रममा युएईले पहिलो ६ विकेट ४२ रन बनाउदा २३ औं ओभरमा गुमाईसकेको थियो। सातौँ नम्बरमा ब्याटिंग गरेका मोहम्मद बुताले इमरान हैदरसंग सातौँ विकेटको लागि २९ रनको साझेदारी गरे पनि अन्य ब्याट्सम्यानले उल्लेख्य योगदान दिन नसक्दा युएई ११० रनमै समेटिन पुग्यो।

बुताले ३६ रन बनाउन ७६ बलमा २ चौका र १ छक्का प्रहार गरे। शैमन अनवरले ११, इमरान हैदर र रोहन मुस्तफाले समान १० रन बनाउनु बाहेक अन्य ब्याट्सम्यानले दोहोरो अंकमा रन बनाउन सकेनन्।

इर्भिनको अर्धशतकमा जिम्बाबेको सहज जित 

१११ रनको लक्ष्य घरेलु टिमले २३.१ ओभरमा ३ विकेट गुमाएर पुरा गर्यो। क्रेग इर्भिनले ५१ रन तथा रेगिस चकाभाले ३८ रन बनाए पछि जिम्बाबेको जित सहज भयो। इर्भिन र चकाभाले दोश्रो विकेटको लागि ८० रनको साझेदारी गरे। इर्भिनले ४६ बलमा ४ चौका र २ छक्का तथा चकाभाले ६३ बलमा ५ चौका प्रहार गरे।

युएई बलर कादिर एहमद, रोहन मुस्तफा र इमरान हैदरले १/१ विकेट लिए।

सिरिज अन्तर्गत दोश्रो खेल अप्रिल १२ तारिकमा, दोश्रो खेल १४ तारिकमा तथा तेश्रो खेल १६ तारिकमा खेलिनेछ।

 





थप समाचार

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]

IPL : सनसनीपूर्ण खेलमा दिल्लीलाई पराजित गर्दै कोलकाता फाइनलमा

सनसनीपूर्ण दोश्रो क्वालीफायरमा दिल्ली क्यापिटल्सलाई ३ विकेटले पराजित गर्दै कोलकाता नाइट राइडर्स १४ औं संस्करणको इन्डियन प्रिमियर लिगको फाइनल प्रवेश […]