लगातार विकेट गुमाएपछि दबाबमा जिम्बाबे

Basant Regmi


२०१९ एकदिवसीय बिश्वकप छनौट प्रतियोगिता अन्तर्गत जिम्बाबे र नेपाल बीच क्विन्स स्पोर्ट्स क्लब बुलावायोमा खेल जारि छ। टस जितेर ब्याटिंग गरेको जिम्बाबेले आक्रामक सुरुवात गरे पनि नेपाली स्पिनरहरुले लगातार विकेट लिंदा जिम्बाबे दबाबमा रहेको छ।

यो समाचार तयार पार्दासम्म जिम्बाबेले १६ ओभरमा ३ विकेट गुमाएर १२२ रन बनाएको छ। ब्रेण्डन टेलर ३ तथा क्रेग इर्भिन ६ रन बनाएर ब्याटिंग गरिरहेका छन्।

नेपालको लागि पहिलो विकेट सन्दिप लामिछानेले लिएका थिए। आक्रामक ब्याटिंग गर्दै मात्र २३ बल ४१ रन बनाएका केफास झुवावोलाई लामिछानेले एलबिडब्लु आउट गरेका हुन्।झुवावोले ४ छक्का र ३ चौका प्रहार गरे।

दोश्रो र तेश्रो विकेट भने बसन्त रेग्मीले दिलाएका हुन्। अर्धशतक पुरा गरेका ब्याट्सम्यान सोलोमोन मिरे र ह्यामिल्टन मासाकाट्जाको विकेट रेग्मीले लिए। मिरेले ५२ रन ( ४१ बल, ५ चौका, ३ छक्का ) र मासाकाट्जाले १७ रन ( २३ बल, ३ चौका ) प्रहार गरे। मासाकाट्जालाई आफ्नै बलमा क्याच आउट गरेका रेग्मीले मिरेलाई विकेट किपर दिलिप नाथको हातबाट स्टम्प आउट गराए।

नेपालको बलिंग – 

सोमपाल कामि – ३-०-२४-०
पारस खड्का – १-०-१६-०
बसन्त रेग्मी – ४-१-३०-२
ललित राजबंशी – ४-०-२०-०
सन्दिप लामिछाने – ५-१-३२-१

खेलमा नेपालको लागि देब्रे हाते स्पिनर ललित राजबंशीले डेब्यु गर्ने मौका पाएका छन्। उनलाई नेपाली टिमका ब्याटिंग कन्सल्टेन्ट उमेश पटवालले डेब्यु क्याप प्रदान गरे। जिम्बाबे बिरुद्ध नेपालले आफ्नो अन्तिम ११ टिममा शक्ति गौचन,करन केसी र अनिल साह र ललित भण्डारीलाई समाबेश गरेको छैन।

नेपालको प्लेयिंग ११ 

पारस खड्का, ज्ञानेन्द्र मल्ल, बसन्त रेग्मी, शरद भेषवाकर, सोमपाल कामी, मोहम्मद आरिफ शेख, सन्दिप लामिछाने, दिपेन्द्र सिंह ऐरी, दिलिप नाथ, रोहित कुमार पौडेल, र ललित राजबंशी

जिम्बाबे प्लेयिंग ११

गरेम क्रिमर ( कप्तान ) , टेण्डाई चटारा, क्रेग इर्भिन, केल जार्भिस, ह्यामिल्टन मासाकाट्जा, सोलोमोन मिरे, केफास झुवाओ, सिकन्दर राजा, ब्रेण्डन टेलर, ब्रायन भिटोरी, माल्कम वालर

Nepal vs Zimbabwe
Nepal vs Zimbabwe

Lalit Rajbanshi
Lalit Rajbanshi





थप समाचार

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]