दिपेन्द्रको इनिंगले जित्न सकेन नेपाल, चलेनन् ब्याट्सम्यान



  • विकेटनेपाल, असार २९

भारत भ्रमणमा रहेको नेपाल यु-१९ रास्ट्रिय क्रिकेट टिमले पाँचौ तथा अन्तिम अभ्यास खेलमा ६८  रनको हार बेहोरेको छ l स्कोरकार्ड हेर्नुस

भ्रमण अन्तर्गत यस अघि खेलिएको ४ वटा मध्ये ३ वटा अभ्यास खेल नेपाली टिमले जितेको थियो भने अघिल्लो खेल वर्षाको कारण बराबरीमा टुंगिएको थियो l

पहिले ब्याटिंग गर्दै नोयडा ११ ले बनाएको २३४ रनको जवाफमा ब्याटिंग गरेको नेपाली टिमले ४२ ओभरमा १६६ रनमै सबै विकेट गुमाउन पुगेको थियो l

दिपेन्द्र ऐरीले ५५ , सन्दिप सुनारले ३१ तथा प्रकास केसीले ३१ रनको योगदान दिएतापनि ठुलो साझेदारी बनाउन नसक्दा नेपाली टिमले हार बेहोर्न पुग्यो l संघर्षपूर्ण इनिंग खेलेका दिपेन्द्रले ६८ बलमा २ चौका र २ छक्का प्रहार गरेका थिए l

नोयडा ११ को लागि अनुरित सिंह, निमित सैनी, हर्षित सेठीले २/२ विकेट हात पारे l परविन्दर अवाना, रबि सिंह र गौरभ सिंहले पनि १/१ विकेट आफ्नो नाम गरे l

नोयडा ११ को लागि खेलेका परविन्दर अवानाले भारतीय रास्ट्रिय क्रिकेट टिमको लागि २ वटा टि-२० अन्तर्राष्ट्रिय खेलीसकेका छन् भने अनुरित सिंह, तन्मय श्रीवास्तव, राहुल यादबले आईपीएलमा बिभिन्न टिमको प्रतिनिधित्व गरिसकेका छन् l

टस जितेर ब्याटिंग गरेको नोयडाले पुरै ५० ओभर ब्याटिंग गर्दै ८ विकेट गुमाई २३४ रनको स्कोर तयार गरेको थियो l

दिपेन्द्र ऐरीले अर्धशतक प्रहार गरे

नोयडा ११को लागि ओपनिंग ब्याटिंग गरेका तन्मय श्रीवास्तवले अन्तिम सम्म विकेटमा जम्दै अविजित १२० रन बनाउने क्रममा ३ छक्का र ७ चौका प्रहार गरेका थिए l  राहुल यादबले ३३ तथा अघिल्लो खेलमा शतक प्रहार गरेका अनुरित सिंहले २८ रनको योगदान दिएका थिए l

अघिल्लो खेलमा भन्दा तुलनात्मक रुपमा कसिलो बलिंग गरेको नेपाल यु-१९ को लागि किशोर महतो र पवन सर्राफले २/२ विकेट लिएका थिए l किशोरले १० ओभरमा २ मेडन ओभर सहित ४३ रन दिएका थिए जुन क्रममा भारतीय रास्ट्रिय क्रिकेटर रहीसकेका परविन्दर अवानालाई १ रनको स्कोरमा बोल्ड आउट गरेका थिए l कसिलो बलिंग गरेका ललित राजबंशीले १० ओभरमा मात्र २२ रन खर्चेर १ विकेट लिएका थिए l शाहब आलम र रोहित पौडेलले १/१ विकेट हात पारेका थिए l

नेपालले अतिरिक्त रनको रुपमा मात्र ५ रन खर्चेको थियो l

यो पनि पढ्नुस : अभ्यास खेलमा नेपालविरुद्ध उत्रिए भारतीय रास्ट्रिय क्रिकेटर

भारत भ्रमण सकी नेपाली टिम १४ तारिकमा भारतबाटै सिंगापुरतर्फ प्रस्थान गर्ने कार्यक्रम रहेको छ l

बिश्वकप छनौट एसिया प्रतियोगितामा नेपाल सहित आयोजक सिंगापुर, मलेसिया र अफगानिस्तान सहभागी हुँदैछन् l सहभागी प्रत्येक टिमसंग नेपालले २-२ वटा खेल खेल्नेछ l प्रतियोगिताको बिजेता टोलि न्युजिल्याण्डमा जनवरीमा आयोजना हुने यु-१९ बिश्वकपमा सिधा छनौट हुनेछ l

कुल ६ खेल खेल्ने नेपालले १७ जुलाईमा सिंगापुरसंग पहिलो खेल खेल्नेछ भने १८ जुलाईमा मलेसिया, २० जुलाईमा अफगानिस्तान, २१ जुलाईमा सिंगापुर, २४ जुलाईमा मलेसिया तथा २५ जुलाईमा अफगानिस्तानसंग खेल्ने कार्यक्रम छ l





थप समाचार

“वर्तमान युगमा उनि नम्बर-१ ब्याट्सम्यान हुन्, उनि अद्भुत प्रदर्शन गरिरहेका छन्।” युसुफले बताए कोहली र आजममा को नम्बर-१

वर्तमान विश्व क्रिकेटका दुई ठूला ब्याट्सम्यान भारतका बिराट कोहली र पाकिस्तानका बाबर आजम बीच को महान् भन्ने बहस क्रिकेट फ्यानहरु […]

टि-ट्वान्टी विश्वकपमा २० वटा टिम, इन्टर कन्टिनेन्टल कप फरक नाममा

क्रिकेट खेललाई विश्वव्यापीकारण गर्ने प्रयास स्वरूप अन्तर्राष्ट्रिय क्रिकेट परिषद ( आईसीसी ) टि-ट्वान्टी विश्वकपमा टिम संख्या बढाएर २० वटा पुर्याउने […]

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]